今朝一早亞媽就話係時候換部電視，仲叫我出一半。但因為我真係好少用廳個電視，所以就拒絕咗喇，只係答應會幫手買。但跟住又唔知痴咗邊條根，最後又答應咗出一半=_=

放工就飛咗落旺角睇喇，行晒咁多間電器鋪，最後都係去咗永成買。去新鋪發現咗有想買嗰部電視 MAG 26"，跟住問佢分期收唔收charge，佢話唔駛。不過唔知點解習慣咗去舊鋪買野，所以最後都係去咗舊鋪度問，但呢邊要收charge，跟住我就即刻搵個相熟既sales問，問佢點解兩邊會唔同，跟住佢就即刻火都黎埋，話條肥佬係咁，唔識做生意，成日咁樣拖低晒個營業額。跟住仲即刻call人幫我攞部電視出黎，仲分期唔收charge添。但好唔好彩，淨返最多limite嗰張卡佢地分唔到。頂.....

最後都係一獲過碌晒，不過就有得平........買完之後就抬返屯門，抬到我死下死下=_=

咁又大出血喇.. =_=