本來一心都係等iphone...但上個禮拜喺網度見到部HTC Touch，見到個外型同埋個操作介面吸引住，禮拜一睇PCmark嗰時又見到，部機真係好似好正。但因為唔知個missing sync可唔可以同部機sync，所以仲係考慮緊。
今日放工，諗諗下都係去睇下部機，順便睇下有邊個台係啱我用（因份約已經完咗，可以從呢個極度廢柴既台逃走出黎XD）當我行到去one2free既時候就畀部touch吸引住。之後就問佢上台簽約有冇得平同埋其他既問題。
部機本身$3680，如果上台簽年半約，但月費計劃+上網計劃加埋唔超過$200，部機就$2480，冇回贈....如果月費計劃+上網計劃加埋超過$200，部機就$2680，$700回贈。
最後我都係揀咗$118既plan+$88上網。依家每個月有13000c上網喇@@
跟住就走咗出去trade部N70，trade到$1300 (部機嗰時都係$2680買返黎)
返到屋企試下同部mac sync...成功咗！通訊錄啲group仲可以sync到去部機添。
部機整體上都好好，唯一唔好既就係如果用wifi上過msn或者IE之後，再斷線，佢就係咁自動連去GPRS，唔知有冇人有解決既辦法呢？
